Siz məşğul olanda qeydiyyatınızı kim idarə edir?

DoktorRandevu

Qəbul cədvəliniz siz olmadan da işləyə bilərmi?

Həkimin iş günü yalnız pasiyent qəbulundan ibarət deyil. Müayinə, prosedur, əməliyyat və ya başqa klinikadakı iş zamanı gələn hər zəngə və mesajlara dərhal cavab vermək mümkün olmaya bilər. Ancaq yeni randevuların qəbulu və mövcud randevuların idarə olunması gün ərzində davam edir.

DoktorRandevu bu prosesin həkimin və ya assistentin hər dəfə müdaxiləsinə ehtiyac olmadan işləməsinə imkan verir. Pasiyent randevu linkinə daxil olaraq yalnız qəbul üçün açıq olan gün və saatları görür, uyğun vaxtı seçir və qeydiyyatını tamamlayır. Yeni randevu isə avtomatik olaraq həkimin təqviminə əlavə olunur.

Qəbul vaxtı yaxınlaşdıqda sistem pasiyentə avtomatik xatırlatma göndərir. Pasiyentin planı dəyişdikdə randevunun dəyişdirilməsi və ya ləğvi də sistem üzərindən idarə oluna bilər. Beləliklə, randevunun yaradılmasından qəbul gününə qədər olan standart addımların hər biri üçün ayrıca yazışmağa ehtiyac azalır.

Qrafikdə gözlənilmədən boş vaxt yarandıqda da proses yenidən manual işə çevrilmir. Gözləmə siyahısında olan və ya daha sonrakı tarixə randevusu olan pasiyentlərə boşalan vaxt barədə məlumat verilə bilər. Bu, ləğv edilən randevudan sonra yaranan boş saatın yenidən doldurulmasını asanlaşdırır.

Həkim isə bütün bu prosesin mərkəzində hər randevunu ayrıca koordinasiya edən tərəf olmaq əvəzinə vahid təqvim üzərindən qəbul cədvəlinə nəzarət edir.

Nəticədə məqsəd sadəcə kağız təqvimi elektron təqvimlə əvəz etmək deyil. Məqsəd siz pasiyent qəbulunda və ya başqa işlə məşğul olduğunuz zaman belə randevu prosesinin işləməyə davam etdiyi bir sistem qurmaqdır.

Siz pasiyentlərlə məşğul olun. Qəbul cədvəliniz isə işləməyə davam etsin.

Funksiyalar və planlar

Aktual suallar:

Pasiyent randevu aldıqdan sonra mənim əlavə əməliyyat etməyim lazımdır? Xeyr. Yeni randevu haqqında bildiriş alırsınız, qəbul vaxtı yaxınlaşdıqda isə pasiyentə avtomatik xatırlatma göndərilir.  Pasiyentlər tez-tez soruşduqları məlumatları haradan əldə edə bilərlər? Onlayn profilinizdə iş qrafiki, qəbul ünvanı, xidmətlər və digər məlumatlar yerləşdirildikdən sonra pasiyentlər bu məlumatlara istənilən vaxt özləri baxa bilirlər. Beləliklə, “Hansı gün qəbul edirsiniz?”, “Ünvan haradadır?” və “Boş vaxtınız varmı?” kimi təkrarlanan suallar üçün hər dəfə ayrıca yazışmağa ehtiyac azalır.