Pasiyenti qəbuldan əvvəl nə qədər tanıyırsınız?

DoktorRandevu

Pasiyenti qəbuldan əvvəl nə qədər tanıyırsınız?

Pasiyent kabinetə daxil olduqda qəbul çox vaxt ilkin suallarla başlayır: əsas şikayəti nədir, nə vaxtdan davam edir, daha əvvəl hansı xəstəlikləri keçirib, hazırda hansı dərmanlardan istifadə edir, allergiyası varmı? Bu məlumatların toplanması tibbi qəbulun vacib hissəsidir. Ancaq məlumatların bir qismini pasiyentdən qəbul başlamazdan əvvəl əldə etmək mümkündür. Bu,  həm də hər randevudan həkimə vaxt qazandırır.

DoktorRandevu-da anamnez formları vasitəsilə pasiyent randevu aldıqdan sonra qəbuldan əvvəl onun üçün hazırlanmış sualları cavablandıra bilər. Şikayəti, əvvəlki xəstəlikləri, istifadə etdiyi dərmanlar, allergiyalar və həkimin əvvəlcədən bilmək istədiyi digər məlumatlar sistemli şəkildə toplana bilər. Qəbul pasiyent kabinetə daxil olmamışdan əvvəl başlaya bilər.

Həkim qəbuldan əvvəl təqdim edilmiş məlumatlarla tanış olaraq pasiyent haqqında ilkin təsəvvür əldə edə bilər. Beləliklə, görüşün ilk dəqiqələrində standart məlumatların hamısını sıfırdan toplamaq əvəzinə, artıq verilmiş cavablar əsasında daha konkret suallara keçmək mümkün olur. Bu yanaşma pasiyent üçün də prosesi daha aydın edir. Pasiyent qəbul zamanı bütün məlumatları xatırlamağa çalışmaq əvəzinə, sualları əvvəlcədən nəzərdən keçirərək cavablandıra bilir.

Anamnez formu müayinə və həkim-pasiyent ünsiyyətini əvəz etmir. Onun məqsədi qəbuldan əvvəl toplana bilən məlumatları əvvəlcədən strukturlaşdırmaq və həkimin pasiyentlə görüşə daha hazırlıqlı başlamasına kömək etməkdir.

Beləliklə, rəqəmsallaşma yalnız pasiyentin onlayn randevu alması ilə məhdudlaşmır. Randevudan sonra və qəbuldan əvvəl baş verən proseslər də sistemləşdirilə bilər.

Planlar

Aktual suallar:

Qeydiyyatçının sistemdən istifadəsi üçün əlavə ödəniş tələb olunur? Xeyr. Assistentiniz və ya klinikada qeydiyyatçı randevuların idarə olunmasında sizə kömək edə bilər. Bunun üçün ayrıca abunəlik almağa ehtiyac yoxdur. Hansı xatırlatmalar avtomatlaşdırıla bilər?

Randevu yaradıldıqdan sonra randevu detalları haqqında bildiriş.

Qəbulöncəsi xatırlatma.